बराहक्षेत्र । न्यु जेनेरेसन क्लबद्वारा आयोजित दोस्रो न्यु जेनेरेसन च्यालेन्ज कप २०७७ फुटबल प्रतियोगितामा आयोजक क्लब फाइनलमा प्रवेश गरेको छ ।
बुधबार भएको खेलमा गत वर्षको बिजेता यल्मबर फुटबल क्लब धरान र आयोजकबीच भएको प्रतिस्पर्धामक खेलमा एल्मबरलाई १ विरुद्ध २ गोलले पाखा लगाउँदै आयोजकले फाइनलको यात्रा तय गरेको हो ।
यल्मबरका रिवस मास्केले खेलको पहिलो हाफको २२ मिनेटमा गोल गर्दै पहिलो खाता खोलेका थिए । पहिलो हाफसम्म १.० गोल हुँदै यल्मबरले खेललाई आफ्नो कब्जामा लिएको थियो । दोस्रो हाफको ५औं मिनेटमा आयोजक क्लबका कृष्ण थापाले गोल फर्काउदै खेललाई बराबरमा पुराएका थिए ।
पुनः आयोजकका जीवन राजधामीले खेलको ८औं मिनेटमा थप गोल गर्दै खेललाई अग्रता दिलाएका थिए । यल्मबरका खेलाडीहरुले गोल फर्काउन धेरै प्रयास गरे पनि आयोजक क्लबका अशोक खवासले गोल हुने अवसर दिएनन् । जसले गर्दा यलक्बर क्लबले हार व्यहोर्नु पर्यो । दोस्रो हाफमा आयोजकले गोल गर्न पाएको अवसरलाई सदुपयोग गर्न नस्क्दा १(२ गोलमै सिमित रहेको थियो ।
खेलको म्यान अफ द म्याच आयोजक क्लबका टिम क्याप्टेन समेत रहेका जीवन राजधामी घोषित भए । उनले एक हजार एक सय रुपैयाँ प्राप्त गरे ।
बिहीबार हुने दोस्रो सेमिफाइनल खेल पञ्चायन फुटबल क्लब रामधुनी र शान्तिनगर फुटबल क्लबबीच हुने आयोजक क्लबका अध्यक्ष अजित राजधामिले बताए ।
बराहक्षेत्र नगरपालिकाको कार्यलय संरक्षकको रुपमा रहेको छ भने ३ नम्बर वडा कार्यालयले प्रायोजन गरेको छ । प्रतियोगितामा विजेता टिमले ५१ हजार एक सय ११ रुपैयाँ, ट्रफी र प्रमाणपत्र प्राप्त गर्ने छ । उपविजेताले ट्रफी, प्रमाणपत्रसँगै ३१ हजार १ सय ११ रुपैयाँ प्राप्त गर्ने आयोजक क्लबका अध्यक्ष राजधामीले जानकारी दिए ।
