सुनसरी । नेपालका ख्याति प्राप्त कलाकारहरुको अभिनय रहेको नेपाली कथानक चलचित्र फुलबारीको टोली प्रचारप्रसारका क्रममा इटहरीमा आइपुगेका छन् ।
पुरानाे डुङ्गा, मिस्टर झाेले, कबड्डी कबड्डी, कबड्डी ४ द फाइनल म्याच लगायत विभिन्न सर्वोत्कृट चलचित्र निर्देश गरेका निर्देशक राम बावु गुरुङ्गको निर्देशनमा बनेको उक्त चलचित्रमा अभिनेत्री प्रियाङ्का कार्की, शिल्पा मास्केसहित अभिनेता दयाह्याङ् राई, विपिन कार्की लगायत थुप्रै ख्यातिप्राप्त कलाकारहरुको अभिनय पर्दामा देख्न सकिने छ ।
फालगुन ५ गते शुक्रबारका दिन नेपालभर एकैसाथ प्रदर्शनको तयारीमा रहेको उक्त चलचित्रमा गायक तथा संगितकार कालिप्रसाद बास्कोटाको स्वार र संगीत रहेको छ ।
गायक कालिप्रसाद र गायिका सदिक्षा कट्टेलको स्वारमा रहेको “माया रैछ र” शिर्षकको गीत सामाजिकसञ्जालमा दर्शक तथा श्रोताहरुले सर्वाधिक मनपराएका छन् ।
उक्त चलचित्रमा नेपालको पारिवारिक पृष्ठभूमीमा आधारित एक पारिवारिक समृश्रणसहितको चलचित्र रहेको निर्माण टिमले जनाएको छ । बिहिबार इटहरीकाे संगीत चाैकमा अवस्थित होटल इनटुरिष्टमा आयोजित पत्रकार सम्मेलनमा बोल्दै मनिष ढकालले चलचित्र पारिवारिक पृष्ठभूमिमा आधारित माया र भरोसाको कथा नेपाली समाजसंग सम्बन्धित रहेको बताएका छन् ।
फुलबार नेपाली पारिवारिक चलचित्र रहेको र यो समाज तथा पारिवारिक पृष्ठभुमिको सुख दुःखको समृश्रीत माया र भरोषासहितको दर्शकहरुको रोजाइमा पर्ने कार्यकारी निर्माता मणिराम पोखरेलले बताएका छन् ।
निर्धारित समय भन्दा करिब १ घण्टा पछि आयोजना भएको उक्त पत्रकार सम्मेलनमा गायक कालिप्रसाद बास्कोटा, निर्माता तथा अभिनेता मनिष ढकाल, नायिका प्रियाङ्का कार्की, शिल्पा मास्के तथा कार्यकारी निर्माता मणिराम पोखरेलको उपस्थिति रहेको थियो ।
पत्रकार सम्मेलमा धरान, इटहरी तथा रामधुनीका पत्रकारहरुको बाक्लै उपस्थिति रहेको थियो ।
उक्त चलचित्रकाे ट्रेलर :-