राष्ट्रिय प्रजातन्त्र पार्टी (राप्रपा) नगर कार्यसमितिले बराहक्षेत्र नगरपालिकालाई २५ केजि प्रतिबोरा रहेको ५० बोरा चामल शुक्रबार नगरपालिकालाई हस्तान्तरण गरेको छ ।
अहिले लकडाउनको समयमा दैनिक ज्यालादारी, गरिब तथा बिपन्न परिवारलाई राहत दिने क्रम पनि जारी छ। बराहक्षेत्र नगरपालिकामा पनि विशेषगरी लकडाउनबाट प्रभावित दैनिक ज्यालादारी, गरिब तथा बिपन्न बर्गहरुलाई लक्षित गरि स्थापित विपत् व्यवस्थापन राहत कोषमा सहयोग गर्नेहरु उल्लेखनीय रुपमा रहेका छन् ।
यसै शिलशिलामा, राप्रपा नगर कार्यसमिति बराहक्षेत्रले शुक्रबार नगरपालिकाका लक्षित वर्गले पाउन् भन्ने उद्देश्यले ५० बोरा चामल प्रदान गरेको नगर अध्यक्ष अर्जुन भट्टराईले बताए।
राप्रपा नगर अध्यक्ष भट्टराई, जिल्ला सदस्य राम ठकुरी, जिल्ला प्रवक्ता किरण चौलागाईंको उपस्थितिमा उक्त ६७ हजार मूल्य बराबरको चामल नगर अध्यक्ष भट्टराईले नगर प्रमुख निलम खनाललाई हस्तान्तरण गरेको हो ।
