मोरङ । पथरीशनिश्चरे नगरपालिका ८ मा स्थापित प्रभात सामुदायिक युवा क्लबले रजत महोत्सव अन्तर्गत सरसफाइ कार्यक्रम गरेको छ ।
साताव्यापी कार्यक्रम अन्तर्गत दोश्रो दिन शनिबार सोमबारे बजार र दुर्गा मन्दिर परिसर सरसफाइ गरेको हो । शुक्रबार बुद्ध मा.बि. को प्राङ्गणमा अन्तर विद्यालयस्तरीय हाजिरीजवाफ कार्यक्रम र नवनिर्मित क्लब भवनमा रचना वाचन कार्यक्रम गरि नगर प्रमुख दिलिपकुमार राईले महोत्सव उद्घाटन गरेका थिए ।
सात दिनसम्म संचालन हुने कार्यक्रममा म्याराथुन, स्लो बाइक रेस, स्लो साइकल रेस, हाजिरी जवाफ, रचना वाचन, रक्तदान, हात धुने तालिम सञ्चालन हुने छ ।
त्यसैगरी ढल्के जोवन फुटबल, तृष्ण बुद्धि परीक्षण, सांस्कृतिक कार्यक्रम, जातीय झाँकी लगाएतका कार्यक्रमहरु रहेको अयोजक क्लबका अध्यक्ष नविन कार्कीले बताए ।
