ताप्लेजुङमा बाढी पहिरोमा परेर तीनजनाको मृत्यु भएको छ भने तीनजना बेपत्ता भएका छन् ।
सिदिंवा गाउँपालिका-६ मेहेलेको मुकुभञ्ज्याङमा पहिरो जाँदा ३ जना मध्ये बाबु केशरबहादुर राई र छोरा सुरेश राईको मुत्यु भएको र रामकुमार राईको गम्भीर घाइते अवस्थामा उद्धार गरिएता पनि अवस्था भने चिन्ताजनक रहेकाे छ।
उनको उद्धारका लागि नेपाली सेनाको हेलिकप्टर इटहरीबाट मेहेलेतर्फ प्रस्थान गरेको ताप्लेजुङ प्रहरी प्रमुख डीएसपी राजन लिम्बूले जानकारी दिए।
स्थानीय स्वास्थ्य चौकीसमेत पहिरोले बगाएका कारण प्राथमिक स्वास्थ्य उपचारको पनि अभाव रहेको स्थानीय बासीले बताएका छन। सोही स्थानमा आइतबार बेपत्ता रहेका गणेश तामाङको शव फेला परेको थियो भने अन्य तीनजना अझै हराइरहेका छन्।
प्रमुख जिल्ला अधिकारी गोमादेवी चेम्जोङले पानी पर्ने क्रम नरोकिएकोले जोखिम बढ्न सक्ने भन्दै सबैलाई सावधानी रहन आग्रह गरेकी छन्।
