लकडाउनको समयमा सामाजिक दुरि कायम गर्दै बराहक्षेत्रमा मितेरी बैंकसँगको सहकार्यमा बराहक्षेत्र नगरपालिकाले भत्ता वितरण गर्न सुरु गरेको छ ।
बराहक्षेत्र वडा १, २, ३, ४, ५, ९ र १० ले बैंकसँगको सहकार्यमा सामाजिक सुरक्षा भत्ता वितरण सुरु गरेको हो ।
बराहक्षेत्रमा रहेका बैंकका ३ शाखाले आइतबार सामाजिक सुरक्षा भत्ता वितरण गर्न सुरु गरेको कालाबन्जार शाखा प्रमुख शंकर कार्कीले बताए । अहिले चतरा, कालाबन्जार र प्रकाशपुर शाखाले चोकचोकमा गई सामाजिक भत्ता वितरण गरेका हुन् ।
देश लकडाउनमा रहेको अवस्थामा वृद्ध तथा अशक्तहरुलाई बैंककै कार्यालय आउन गाह्रो हुने र हरेक समस्या आउने भएकोले चेक लिँदै नगद हस्तान्तरण गरेको कार्कीले बताए । अहिले चतरा शाखा बाट एक हजार ६ सय, कालाबन्जार शाखाबाट दुई हजार एक सय र प्रकाशपुर शाखाले ७ सयको हाराहारीमा हामीले सामाजिक सुरक्षाकोष भत्ता वितरण गर्दै आएको उनको भनाइ छ ।
जम्मा बराहक्षेत्रका ७ वटा वडालाई भत्ता वितरण गर्दै आएका छन् ।
