विश्वव्यापी रुपमा बढेको कोरोना भाइरस नेपालमा रोकथामका लागि सरकारले लकडाउन गरेको समयमा बराहक्षेत्र ७ बाङ्गेका युवा व्यवसायी सुरज भण्डारीले प्रहरीलाई मासक र सेनिटाइजर प्रदान गरेका छन् ।
सर्वसाधारण घर भित्र बसिरहेको समय नेपाल प्रहरी, सशस्त्र प्रहरी जोखिम मोलेर सुरक्षा कार्यमा खटिरहेको भन्दै उनीहरुका सुरक्षाका लागि भण्डारीले मास्क र सेनिटाइजर शुक्रबार प्रदान गरेका हुन् ।
शुक्रबार बिहान इलाका कार्यालय महेन्द्रनगर प्रमुख सरणकुमार दाहाललाई उक्त इलाकामा कार्यरत ४३ जनालाई ४३ वटा माक्स ४३ वटा सेनिटाइजर एकमुष्ट हस्तान्तरण गरिएको भण्डारीले बताए ।
उनका अनुसार भरौल, बाङ्गे, प्रकाशपुर र चतरा चौकीका प्रहरीहरुलाई पनि हस्तान्तरण गरिने छ । ती चौकीहरुमा ८० जना जति प्रहरी कार्यरत छन् ।
‘सर्वसाधारणको सुरक्षामा खटिएका प्रहरीहरुले जोखिम पुर्ण रुपमा काम गरिरहेका छन्,’ भण्डारीले भने, ‘यस्तो अवस्थामा उनीहरुलाई कोरोना भाइरस संक्रमणको जोखिमबाट सुरक्षित रहन करिब १५ हजार रुपैयाँ बराबरको सामाग्री हस्तान्तरण गरेको हुँ ।’
इलाका प्रहरी महेन्द्र नगरका प्रहरी प्रमुख दाहालले भने अहिलेसम्म प्रहरीको सुरक्षाको चासोमा कसैले ध्यान नदिएको अवस्थामा यस्ता सहयोग पाउँदा हर्षित भएको बताए ।
