लकडाउनको समयमा ज्यलामजदुरी गरेर जीविकोपार्जन गर्ने परिवारलाई सुनसरी क्षेत्र नं. ४ (क) बाट निर्वाचित १ नं प्रदेश सरकारका उद्योग, वाणिज्य, वन तथा पर्यटन मन्त्री जगदिस प्रसाद कुसयैतले खाद्यान्न हस्तान्तरण गरेका छन् । आफ्नो निर्वाचन क्षेत्रका ३२ वटा वडालाई बुधबार नगदसहित खाद्यान्न हस्तान्तरण गर्न सुरु गरेको कुसयैतका स्वकीय सचिव केशव मैनालीले बताए ।
बराहक्षेत्र नगरपालिका भित्रका ६ वटा वडालाई २५ हजारको दरले नगरले स्थापना गरेको विपत् व्यावस्थापन कोषमा १ लाख ५० हजार रुपैयाँ नगद हस्तान्तरण गरेको मैनालीले बताए । रामधुनी नगरपालिका वडा नम्बर ४ लाई ३० हजार र बराहक्षेत्रलाई १ लाख ५० हजार नगद दिएको र अन्य वडामा भने चामल दिँदै आएको उनको भनाइ छ ।
‘मेरो निर्वाचन क्षेत्रमा लकडाउनले परेको समस्यालाई मध्यनजर गर्दै मैले ब्याक्तिगत तर्फबाट सहयोग गरेको हुँ,’ उनले भने, ‘मेरो ११ महिनाको सेवा सुविधा बराबरको राहत हस्तान्तरण गरेको हुँ ।’
मन्त्री कुसैयत स्वयम् उपस्थित भइ बराहक्षेत्रका नगर प्रमुख निलम खनाललाई हस्तान्तरण गरका थिए ।
०४० सालको एसएलसी ब्याचले दियो डेढ लाख
यसै बीच महेन्द्र मावि बाट २०४० सालमा एसएलसी दिएको समुहले विपत कोषमा साढे एक लाख रुपैयाँ हस्तान्तरण गरेका छन् ।
सुनसरीको साबिक महेन्द्रनगरर चक्रघटीस्थित महेन्द्र माध्यमिक विद्यालयमबाट ०४० सालमा एसएलसि दिएका समुहबाट केही राहत होस् भन्दै कोषमा नगद तथा चेक समेत गरी एक लाख ४३ हजार ४ सय २३ रुपैयाँ हस्तान्तरण गरेको समुहका उपाध्यक्ष भीम घिमिरेले बताए । आफूहरुको ब्याचको समुह बनाएको र सबैले आआफ्नो क्षेत्रबाट सहयोग गरेको उनले बताए ।
घिमिरेले दिए नगरलाई ६६ हजार
यसै नगरपालिकाको वडा नम्बर ७ निवासी हाल बिराटनगर बासोबास गर्दै आएका घिमिरेले आफ्नो ब्यक्तिगत तर्फबाट नगरपालिकालाई ६६ हजार रुपैयाँ हस्तान्तरण गरेका छन् । उद्योग वाणिज्य संघ विराटनगरका अध्यक्ष समेत रहेका घिमिरेले आफ्नो नगर क्षेत्रमा विभिन्न खेलकुद लगायत सामाजिक कामहरुमा उनले सहयोग गर्नेगरेको स्थानय सुरज भण्डारीले बताए ।
यसैबीचमा ओरेक नेपालले एक हजार दुई सय ५० केजी चामल, एक सय केजी दाल, सर्फ ५० प्याकेट, चना ५० केजी, नुहाउने सावुन दुई सय पिस, तेल ५० लिटर, नुन ५० केजी हस्तान्तरण गरेको छ । ओरेक नेपालको तर्फबाट बराहक्षेत्रको प्रतिनिधित्व गर्दै बिमला घिमिरेले नगरपालिकालाई हस्तान्तरण गरेकी हुन् ।
बराहक्षेत्र वडा १० प्रकाशपुरमा रहेको रामधुनी बचत तथा ऋण सहकारी संस्था लिमिटेडले ३१ हजार र इसाई धर्म समाज बराहक्षेत्र नगरपालिकाले ४० हजार रकम नगरपालिकाको बिपत कोशमा जम्मा गरेका छन् ।
