बराहक्षेत्रको क्वारेन्टाइनमा रहेका ३० जनाको स्वाब संकलन गरिएको छ ।
मंगलबार स्वाब संकलन गरी प्रदेश नम्बर १ जनस्वास्थ्य प्रयोगशाला पठाइएको हो ।
सरकारको मापदण्डअनुसार बराहक्षेत्रमा क्वारेन्टाइन बनेपछि अहिले भारत लगायत अन्य ठाउँबाट आएका मानिसहरुलाई सिधै क्वारेन्टाइनमा राखिने गरिएको छ ।
हाल बराहक्षेत्रका ३ वटा क्वारेन्टाइनमा ५ महिला ८४ जना पुरुष गरि ८९ जना क्वारेन्टाइनमा बस्दै आएका छ्न । जसमा महेन्द्र मा.वि. बराहक्षेत्र ६ चक्रघटीमा ६४, जनता मा.वि. मधुवनमा ९ र प्रकाश मा.वि. प्रकाशपुरमा १६ जना बस्दै आएका छन् ।
महेन्द्र मा.वि.स्थित रहेको क्वारेन्टाइनमा रहेका ३० जनाको स्वाब प्रयोगशाला पठाइएको स्वास्थ निरीक्षक उमेश प्रसाद मेहताले बताए । मेहताका अनुसार स्वाबको रिपोर्ट भने शुक्रबार आउनेछ ।
