बराहक्षेत्र ७ बस्ने २९ वर्षका एक युवकमा कोरोना संक्रमण पुष्टि भएको छ । हाल उनी तेह्रथुमको क्वारेन्टाइनमा कार्यरत रहेको र सोही स्थानमा रहँदा नै कोरोना पुष्टि भएको हो ।
उनको स्वाब रिपोर्ट पोजेटिभ आएको बराहक्षेत्र नगरपालिका प्रमुख प्रशासन अधिकृत राजेश प्रसाद पोखरेल बताए । बुधबार स्वास्थ मन्त्रालयले गरेको पत्रकार सम्मेलनमा बराहक्षेत्रको क्वारेन्टाइनमा बस्ने भने पनि उनी हाल तेह्रथुमको क्वारेन्टाइनमा रहेको पोखरेलले स्पष्ट पारे ।
बराहक्षेत्रको क्वारेन्टाइमा बस्नेहरुको स्वाब परीक्षणको रिपोर्ट अहिने कसैको नआएको पोखरेलले बताए । यता बराहक्षेत्र वडा नम्बर ७ वडा अध्यक्ष वीरबहादुर लिम्बुले भने बराहक्षेत्र ७ निवासी रहेको बताए ।
उनी सशस्त्र प्रहरी बल नेपालमा कार्यरत थिए । गत फागुनमा उनी आफ्नो घर आएका थिए भने गत जेठ ३ गते तेह्रथुम गएका थिए ।
उनले गत जेष्ठ १६ गते स्वाब परीक्षण गराएका थिए । उक्त स्वबको रिपोर्ट बुधबार पोजेटिभ आएको लिम्बुले बताए ।
