काठमाडौं । पछिल्लो २४ घण्टामा नेपालमा थप दुई सय ७९ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले बुधबारको नियमित प्रेस ब्रिफिङमा सो जानकारी दिएको हो । मन्त्रालयका प्रवक्ता डा. जागेश्वर गोतमका अनुसार योसँगै नेपालमा कुल संक्रमितको संख्या ४ हजार ३६४ पुगेको छ ।
थपिएका संक्रमितमा २५७ जना पुरुष र २२ जना महिला रहेको गौतमले जानकारी दिए ।
हालसम्म कोरानो निको भएर ६७४ जना घर फर्किएको मन्त्रालयले जानकारी दिएको छ । जसमा ५९५ पुरुष र ७९ जना महिला रहेका छन् । यस्तै हालसम्म कोरोनाबाट १५ जनाको मृत्यु भएको हो ।
