पछिल्लो २४ घण्टामा नेपालमा थप ७ हजार ९८९ जना कोरोना संक्रमणमुक्त भएका छन् ।
बुधबारको प्रेस ब्रिफिङमा स्वास्थ्य मन्त्रालयका प्रवक्ता डा.जागेश्वर गौतमले सो जानकारी दिएका हुन् । यस्तै २४ घण्टामा ८ हजार १७३ जनामा कोरोनाभाइरस संक्रमण पुष्टि भएको पनि गौतमले जानकारी दिए ।
यसैगरी पछिल्लो २४ घण्टामा भक्तपुरमा २२८, ललितपुरमा २७० र काठमाडौंमा १ हजार ९८८ गरी उपत्यकामा जम्मा २ हजार ४८६ जनामा संक्रमण पुष्टि भएको पनि गौतमले जानकारी दिए ।
उनका अनुसार पछिल्लो २४ घण्टामा २४६ को मृत्यु भएको छ ।
