सुनसरी । सनराइज बैंक लिमिटेडले सुनसरीको दुहबी ८ स्थित जुटमिल चौकमा शाखारहित बैंकिङ्ग सेवा सुरु गरेको छ । बिहीबार बैंकले शाखारहित बैंकिङ्ग सेवा समुद्घाटन कार्यक्रम आयोजना गरी सेवा सुरु गरेको हो ।
बैंकले सो शाखारहित बैंकिङ्ग सेवाको व्यावसायिक प्रतिनिधिका रुपमा अमन कुमार साहलाई नियुक्त गरेको छ । बिहीबार आयोजित शाखारहित बैंकिङ्ग सेवा समुद्घाटन कार्यक्रममा दुहबीका कार्यवाहक अध्यक्ष कलावति चौधरीको प्रमुख आतिथ्यता रहेको थियो । वडा सचिव रोहित पराजुली, सन्राइज बैंक प्रदेश नं.१ का प्रदेश प्रमुख विवेक कुमार निरौला, दुहबी शाखाका शाखा प्रबन्धक भिसन निरौला, विराटचौक शाखाका शाखा प्रबन्धक कुमार खड्का, इटहरी शाखाका शाखा प्रबन्धक ज्वाला शर्मा, धरान शाखाका शाखा प्रबन्धक बसन्त सेडाईको आतिथ्यता रहेको थियो ।
त्यस्तै पूर्व राष्ट्रिय भलिवल खेलाडी गौरी चौधरी, सि.आर.भि कदमगाछीका इन्चार्ज खेम वास्तोला एवम् खनार शाखा कार्यालयबाट शाखा प्रबन्धक प्रमोद हरी पोखरेलको आतिथ्यता र खनार शाखा कार्यालयका कर्मचारीहरु लगायत शिक्षक, स्थानीय उद्योगी, व्यावसायिहरुको उपस्थितिमा कार्यक्रम सम्पन्न भएको थियोे ।
सो अवसरमा बैंकिङ्ग सेवाको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखा रहित बैंकिङ्ग सेवा अन्तर्गत ए.टि.एम कार्ड मार्फत कारोबार गर्न सकिने तथा यस सेवाबाट ग्राहकवर्गले निक्षेप सकंलन, रकम भुक्तानी, रकम स्थानान्तरण, बिलभुक्तानी जस्ता सेवाहरु लिन सकिने बैंकले जनाएको छ । कृषि ,मजदुर र रेमिट्यान्स प्रमुख आय स्रोत रहेको सो क्षेत्रका बासिन्दाहरुमा बैंकिङ्ग पहुँच बढाउने उद्देश्यका साथ बैंकिङ्ग सेवा सुरु गरेको बैंकले जनाएको छ ।
हालसम्म बैंकले १३९ वटा शाखा, ८१ वटा शाखारहित बैंकिङ्ग सेवा, १२ वटा एक्सटेन्सन काउण्टर र १५८ वटा ए.टि.एम मार्फत आफ्ना ७ लाख भन्दा बढी ग्राहकहरुलाई सेवा प्रदान गर्दै आइरहेको छ । साथै बैंकले आफ्ना सेवाहरु विस्तार गर्ने क्रममा नेपालका अन्य स्थानहरुमा पनि बैकिङ्ग सेवा संचालन गर्दै जाने योजना रहेको जनाएको छ ।
