रामधुनी । रामधुनी नगरपालिकामा थप ४ जनामा कोरोना संक्रमण पुष्टि भएको छ ।
पूर्वाञ्चल क्षेत्रीय कारागार झुम्काका ४ पुरुषमा कोरोना संक्रमण भएको नगरपालिकाका स्वास्थ्य शाखाका नगेन्द्र पौडेलले पुष्टि गरे ।
पौडेलका अनुसार २० वर्षीय, २१ वर्षीय र दुई जना ५५ वर्षीय गरी ४ पुरुषमा कोरोना संक्रमण देखिएको हो ।
गत २७ साउनमा कारागारले १८ कैदीहरुको स्वाब संकलन गरी पठाएको थियो । जसमा ४ जनाको पोजेटिभ र बाँकीको नेगेटिभ रिपोर्ट आएको कारागार प्रमुख अनिल बरालले बताए ।
उनका अनुसार ती कैदी नयाँ हुन् । कारागार प्रवेश गरेदेखि नै उनीहरुलाई छुट्रटै कोठामा राखिएको प्रमुखले जानकारी दिए ।
कारागारका अनुसार उनीहरु कैद भुक्तानका लागि २६ गते कारागार आएका थिए ।
उनीहरु सबैको घर धनुषा रहेको कारागारले जनाएको छ ।
