रामधुनी । नेपाल प्रेस युनियन सुनसरीले जिल्लामा क्रियाशिल २६० जना सञ्चारकर्मीको कोरोना बीमा गरेको छ ।
१५० जना पत्रकारको आइएमई जनरल इन्स्योरेन्स र बाँकी ११० जनाको युनियन स्वयम् आफैले बीमा गरिदिएको जिल्ला अध्यक्ष पवन अधिकारीले बताए । कोरोना बीमा व्यवस्थापन समितिका संयोजक कृष्ण अधिकारीले युनियनले जिल्लाका सञ्चारकर्मीको कोरोना बीमा गर्नु सकारात्मक रहेको बताए ।
कोरोना बीमा व्यवस्थापन समितिका सदस्यहरू निशान चौधरी, उषाकिरण घिमिरेलगायतले शुक्रबार आइएमी जनरल इन्स्युरेन्स लिमिटेड इटहरीका शाखा प्रमुख भोजराज अधिकारीलाई बीमाको नीतिबारे समन्वय गरेका थिए ।
शुक्रबार नै ११० जनाको पैसाको चेक पनि हस्तान्तरण गरिएको थियो ।
बीमा गरिएका सञ्चारकर्मी तथा पत्रकारको नामावली युनियन पात्रो एपमार्फत हेर्न सकिने प्रेस युनियस सुनसरीले जनाएको छ ।
