यौन दुराचारको आरोपमा पक्राउ परेका निवर्तमान सभामुख कृष्णबहादुर महरालाई जिल्ला अदालत काठमाडौं लगिएको छ। प्रहरीले महरालाई मंगलबार जिल्ला सरकारी वकिलको कार्यलयमा थुनछेक बहसपछि अदालत लगेको हो।
महरा गत १९ असाेजमा पक्राउ परेका थिए । पक्राउलगत्तै दशैँ विदा भएपछि अदालत बन्द भएका कारण आज मात्रै अदालत लगिएको हो। अदालत सोमबार नै खुलिसकेको छ ।
महराविरुद्ध संसद सचिवालयकै एक महिला कर्मचारीले यौन दुराचारको आरोप लगाएपछि महरा प्रहरी अनुसन्धानमा तानिएका छन् ।महिलाको आरोप सार्वजनिक भएलगत्तै सभामुख पदबाट राजीनामा दिन सत्तारुढ नेपाल कम्युनिष्ट पार्टी (नेकपा)को सचिवालय बैठकले सुझाव दिएको थियो । त्यस लगत्तै उनले राजीनामा दिएक थिए ।
प्रहरी नियन्त्रणमा रहेका महरा स्वास्थ्यमा समस्या देखिएको भन्दै थापाथलीस्थित नर्भिक अस्पतालमा उपचाररत छन्।
