काठमाडाैं । गैर आवासीय नेपाली संघ (एनआरएनए) को अध्यक्षमा कुमार पन्त विजयी भएका छन् ।
काठमाडौंमा सम्पन्न एनआरएनएको नवौं राष्ट्रिय सम्मेलनले पन्तलाई दुई वर्षे कार्यकालका लागि अध्यक्षमा निर्वाचित गरेको हो । शुक्रबार बिहान घोषित मत परिणाम अनुसार पन्तले प्रतिस्पर्धी कूल आचार्यलाई १४७ मतले पछि पार्दै अध्यक्षमा विजयी भएका हुन् ।
पन्तले १ हजार २१७ मत प्राप्त गरेका थिए भने आचार्यले १ हजार ७० मत प्राप्त गरेका थिए । नवनिर्वाचित अध्यक्ष पन्त जर्मनमा रहेर आफ्नो व्यवसाय गर्दै आएका छन् । त्यसैगरी महासचिवमा हेमराज शर्मा निर्वाचित भएका छन् । उपाध्यक्षमा अर्जुनकुमार श्रेष्ठ, बद्री केसी, रविना थापा, सोनाम लामा र मन केसी निर्वाचित भएका छन् ।
गौरी जोशी र आरके शर्मा सचिव तथा कोषाध्यक्षमा महेशकुमार श्रेष्ठ र सहकोषाध्यक्षमा लोक दाहाल विजयी भएको पनि निर्वाचिन समितिले जनाएको छ । निर्वाचनमा २ हजार ३४४ मत खसेको थियो ।
