काठमाडौं । प्रधानमन्त्री केपी शर्मा ओलीले प्रतिनिधिसभाको बैठकलाई आज सम्बोधन गर्ने भएका छन् । आफ्नो २ वर्षे कार्यकालमा सरकारले गरेका कामबारे जानकारी गराउन प्रधानमन्त्री ओलीले सम्बोधन गर्न लागेका हुन् ।
(शुक्रबार)आज दिउँसो दुई बजे बस्ने प्रतिनिधिसभाको बैठकमा प्रधानमन्त्री ओलीले सम्बोधन गर्ने उनका प्रेस सल्लाहकार सूर्य थापाले जानकारी दिए ।
ओलीले नेतृत्व गरेको वर्तमान सरकार यही शनिबार (भोलि) गते दुई वर्ष पुग्दैछ । सम्बोधनको क्रममा ओलीले सरकारका कामकारबाहीबारे जानकारी दिनुका साथै समसामयिक घटनाक्रमका विषयमा समेत बोल्ने उनको सचिवालयले जनाएको छ ।
प्रतिनिधिसभा सचिवालयका अनुसार प्रधानमन्त्री ओलीले बैठकको सुरुमै संसद बैठकलाई सम्बोधन गर्नेछन् ।
