धरान । आमहडताल सफल बनाउन धरानको भानुचोकमा खटिएका नेकपाको प्रचण्ड-माधव समुहका तीन जना नेता कार्यकर्ताहरु पक्राउ परेका छन् ।
पक्राउ पर्नेहरुमा खड्गबहादुर पौडेल ,जीवन राई र बिजय तामाङ रहेका छन् । उनीहरुले जर्बजस्ती यातायात अवरुद्ध गराउन खोजेको कारण नियन्त्रणमा लिइएको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिए ।
पक्राउ परेका पौडेल यातायात मजदुर भएको बताइएको छ । राई युवा संघ धरानको नगर सदस्य र तामाङ युवा संघको धरान नगर सह संयोजक रहेका छ ।
पक्राउ परेका उनीहरुलाई इलाका प्रहरी कार्यालयमा राखिएको छ । पक्राउ परेकाहरुलाई साँझसम्म राखिने र माथिल्लो निकायको निर्देशन वमोजिम छोड्ने वा राख्ने निर्णय गरिने डिएसपी बस्नेतले जानकारी दिएका छन् ।
सरकारले संवैधानिक निकायहरुमा सिफारिश भएकाहरुलाई संसदीय सुनुवाई नगरि जर्बजस्ती सपथ ग्रहण गराएको भन्दै नेकपाको प्रचण्ड माधव समुहले आज देशैभरी आमहड्तालको आयोजना गरेको हो ।
