काठमाडौँ । राष्ट्रिय परीक्षा बोर्डले एसईई र कक्षा १२ को परीक्षा स्थगित गरेको छ। बोर्डले अर्को सूचना जारी नहुञ्जेलसम्मका लागि एसईई र कक्षा १२ को परीक्षा स्थगित गरेको हो ।
कोरोनाभाइरसको संक्रमण फैलिइरहेको अवस्थामा तोकिएको समयमा परीक्षा गर्न नसकिने भन्दै बोर्डले परीक्षा स्थगित गरेको हो । सोमबार बिहान बसेको बोर्डको बैठकले कोरोना संक्रमित संख्या दिनप्रतिदिन वृद्धि भइरहेकोले अहिलेको अवस्थामा परीक्षा गर्न नसकिने भन्दै परीक्षा स्थगित गरेको हो ।
यद्यपी, यसपटक गत वर्षजस्तो आन्तरिक मूल्यांकनबाट एसईईको परीक्षा गर्ने तयारी नगरेको बोर्डको भनाई छ । कोरोना संक्रमण कम भएपछि परीक्षा गर्ने तयारी बोर्डको छ ।
बोर्डले जेठ १३ गतेदेखि एसईई तथा कक्षा १२ को परीक्षा जेठ २६ बाट संचालन गर्ने तालिका प्रकाशित गरेको थियो ।
