रामधुनी । डीसीसीएमसी सुनसरीले जेठ ३१ गतेसम्म निषेधाज्ञा थप गर्ने निर्णय गरेको छ ।
जिल्ला प्रशासन कार्यालय सुनसरीमा शुक्रबार बसेको बैठकले जारी निषेधाज्ञालाई जेठ ३१ गतेसम्म निरन्तरता दिने निर्णय गरेको हो । सुनसरीका प्रमुख जिल्ला अधिकारी उमेश कुमार ढकालले निषेधाज्ञा थप भएको जानकारी दिए ।
प्रजिअ ढकालले निषेधाज्ञाका कारण चहलपहलमा आएको कमीका कारण कोरोना भाइरस फैलन रोकिए पनि जोखिम भने कायमै रहेकाले निषेधाज्ञा थपको निर्णयमा पुगिएको बताए ।
थपिएको अवधिमा यस अघि गरिएका निर्णय कायमै रहने छन् । विकास निर्माणका कार्य निर्वाध संचालन गर्न दिइने छ । कामदार र मजदुरको हकमा आवतजावतमा सहजीकरण गरि सहजता दिलाइने निर्णय भएको छ ।
