सुनसरी । सुनसरीको कोशी गाउँपालिका ८ स्थितमा रहेको कोशी ब्यारेजको पुलबाट हामफालेका एक ब्यक्तिको सकुशल उद्धार गरिएको छ ।
बिहीबार अपरान्ह पौने ५ बजे कोशी ब्यारेजको १० नम्बर ढोकाबाट एक्कासी नदीमा हामफालेका उक्त व्यक्तिलाइ प्रहरीले उद्धार गरेको हो ।
संखुवासभा घर भई मोरङको सुन्दरहरैचा बस्ने ४० वर्षीय पुरुषलाई प्रहरी चौकी कोशी ब्यारेजबाट खटिएको प्रहरी टोलीले स्थानीय माझीहरुको सहयोगमा तत्कालै सकुशल उद्धार गरेको हो ।
उद्धार गरिएका पुरुषलाई उपचारका लागि इनरुवा अस्पताल पठाएको र घटना सम्बन्धमा अनुसन्धान भइरहेको प्रहरीले जनाएको छ ।
