मोरङ । मोरङको कानेपोखरी गाउँपालिका ५ शान्ति चोकमा भएको सवारी दुर्घटनामा परी १ जनाको मृत्यु भएको छ ।
बिहीबार साँझ ६ बजे उत्तरबाट दक्षिण जाँदै गरेको को २ त ९८५८ नम्बरको ट्याक्टरले बिपरित दिशाबाट आउँदै गरेको को ३२ प ३७६९ नम्बरको मोटरसाईकललाई ठक्कर दिएको थियो । मोटरसाईकल चालक कानेपोखरी गाउँपालिका २ केरौनका ३२ वर्षीय दिलिप चौधरी घाइते भएका थिए ।
घाइतेलाई उपचारका लागि कोशी अस्पताल पठाइएकोमा उपचारको क्रममा राति पौने ८ बजे मृत्यु भएको प्रहरीले जनाएको छ । प्रहरीका अनुसार घटना सम्बन्धमा थप अनुसन्धान भइरहेको छ ।
