सुनसरी । इटहरीको सप्तकोशी एफएमका स्टेशन म्यानेजर चन्द्र न्यौपानेको निधन भएको छ। न्यौपानेको शुक्रबार बिहान सवा आठ बजे उपचारका क्रममा निधन भएको हो ।
न्यौपानेको उपचारका क्रममा विराटनगरस्थित विराट टिचिङ्ग हस्पिटल बुढिगंगा मोरङ्गमा निधन भएको अस्पतालले जनाएको छ ।
विराट मेडिकल कलेज कोभिड अस्पतालका इन्चार्ज डा. सुनिल देवका अनुसार न्यौपानेलाई वैशाख २८ गतेदेखि आइसियुमा राखेर उपचार गरिएको थियो । स्वास्थ्य थप जटिल भएपछि पाँचदिनयता भेण्टिलेटरमा राखेर उपचार गरिदैँ आएको थियो ।
न्यौपाने रेडियो सञ्चालकहरुको छाता संस्था बोर्डकाष्टिङ्ग एसोसियसन नेपाल (बान)का अध्यक्ष एवं सरकारले हालै गठन गरेको बिज्ञापन बोर्डको सदस्य, नेकपा एमाले सुनसरीका नेता, केन्द्रीय प्रचार विभागका सदस्य रहेका थिए ।
५० वर्षीय मृतक न्यौपानेका श्रीमती र एक छोरा र एक छोरी हुनुहुन्छ।
