उदयपुरको बेलका नगरपालिकाले उपभोक्ता समितीले विकास निर्माणको योजना सम्झौता गर्न नगरपालिकासम्म जानु नपर्ने भएको छ ।
बेलकाका सबै वार्डका योजना सम्झौता गर्न र बैंकमा खाता खोल्न नगरपालिकाको टोलि नै वार्डमा आउन थालेपछि उपभोक्ता समिति नगरपालिकाको कार्यालय जानुुनपर्ने भएको हो । समितिहरुको सहजताका लागि योजना सम्झौता समिति भएकै वाडमा पुुगेर गर्ने अभियान सुुरु गरेसँगै समितिहरुलाई समेत सहज भएको छ ।
नगरपालिकाको टोलिले सम्झौताका लागि आवश्यक कागजात, प्राविधिक, कर्मचारी, बैंक खाता खोल्न बैंकका कर्मचारी लगायतको टोलिहरु वडामै गएर सबै काम एकै ठाउँमा गरिरहेको छ ।
नगरपालिकाले विभिन्न योजना गरि करिब २ करोड रुपैयाँ विकास निर्माणको कामको योजनाहरु कात्तिकसम्म सम्झौता भइसकेको योजना तथा प्रशासकीय अधिकृत चेतनाथ गौतमले बताए । गौतमले मंसिर को १ गते काम सुरु, माघ १५ सम्म काम सम्पन्न र फागुन १५ सम्म सम्पुर्ण योजना अनुगमन गरेर बजेट निकासी गरिसक्ने नगरपालिकाको निर्णय अनुसार लागीपरेको बताए । उपभोक्ताहरुलाई सहजीकरण गरि नगरपालिका मापदण्डअनुसार काम गर्न समेत उनले आग्रह गरेका छन् । गुणस्तरीय काम नभएको अनुगमनबाट फेला परेको खण्डमा उक्त योजनाको रकम पास नहुने समेत गौतमले बताए ।
लेखा अधिकृत जगदिस पराजुलीले सबै समितिलाई काम सम्पन्न गरेपछि वडालाई जानकारी गराउन आग्रह समेत गरेका छन् । साथै उनले सबै प्रक्रिया पुुरा गरी, गुुणस्तरीय काम गरेर जानकारी गराए चेक समेत लिएर टोली आउने र हस्तान्तरण गर्ने उनले बताए ।
यहाँका नगरवासीहरुको सहजताका लागि कर्मचारीहरु समेत बिहानदेखि कार्यालयमा काम गर्ने गरेको नगरपालिका प्रमुख प्रशासकीय अधिकृत अर्जुन निरौलाले बताए । बिहान भरी कार्यालयको र दिउँसो नियमित नगरवासीका लागि काम गर्ने गरेको उनी बताउँछन् ।
सबै पहाडी भेग भएकोले नगरपालिका आउन र फर्किन समस्या हुने भएकोले कतिपय काम वडामै गएरपनी गर्ने गरेको उनको भनाइ छ ।
बेलकामा ९ वटा वडा कार्यालय रहेको र सबै कार्यालयमा नगरपालिकाको टोलि योजना सम्झौता गर्न आफै पुगिसकेको छ । हाल करिब ६० वटा योजना सम्झौताका लागि नगरले अभियान सञ्चालन गरेको छ ।
