बराहक्षेत्र नगरपालिका तीन जनामा कोरोना पोजेटिभ देखिएको छ । मंगलबार स्थानीय क्वारेन्टाइनमा रहेका मध्ये ३० जनाको स्वब संकलन गरि पठाइएकोमा तीन जनाको रिपोर्ट पोजेटिभ आएको हो ।
गत मंगलबार ३० जनाको स्वाब संकलन गरि पठाइएकोमा तीन जनाको रिपोर्ट पोजेटिभ आएको बराहक्षेत्र स्वास्थ शाखा निरीक्षक उमेश मेहताले खबरबिटलाई बताए । उनका अनुसार उक्त ३ जनालाई गोठगाउँमा रहेको पूर्वाञ्चल विश्वविद्यालयमा लगिएको छ ।
अहिले सरकारले उक्त विद्यालयलाई कोरोना हस्पिटल बनाएको बराहक्षेत्र प्रमुख प्रशासन अधिकृत राजेशप्रसाद पोखरेल जानकारी दिए ।
उनीहरू गत ११ जेठमा भारतबाट आएका थिए ।
बराहक्षेत्र थप क्वारेन्टाइन निर्माण
बराहक्षेत्र वडा ३ भरौलीमा रहेको महेन्द्र मा.वि.मा बिहीबार (आज) क्वारेन्टाइन निर्माण सम्पन्न भएको छ । अब सो विद्यालयमा रहेको क्वारेन्टाइनमा मानिसहरुलाई राख्नसकिने पोखरेलले बताए ।
