सुनसरी । सुनसरीको धरान उपमहानगरपालिका-९ आचार्य लाईनबाट ठूलो परिणामको लागुऔषध र हतियारसहित १ जना पक्राउ परेका छन् ।
बिशेष सूचनाको आधारमा इलाका प्रहरी कार्यालय इटहरीबाट खटिएको प्रहरी टोलीले कोशी गाउँपालिका-३ घर भई आचार्य लाईन धरानमा डेरा गरी बस्ने २३ वर्षीय निरज कुमार राउतलाई लागुऔषध र हतियारसहित डेराबाट नै पक्राउ गरेको हो ।
राउतको डेराबाट प्रहरीले ठूलो चाईनिज पेस्तोल १ थान, म्यागजिन १ थान र १३ राउण्ड गोली बरामद गरेको छ । यसैगरी डयिलेक्स डिसी १०० एमएलको २२५ बोतल, खैरो होरोइन ७ ग्राम, निट्रोसन ६४० ट्याब्लेट, स्पास्मोप्रोक्सिवन प्लस १२ हजार ९ सय ४४ क्याप्सुल, नगद ११,३३०। , तौल गर्ने डिजिटल मेसिन १ थान, मोवाइल १ थान लगाएत अन्य कागजात समेत बरामद गरेको छ ।
लागुऔषध र हतियार सहित पक्राउ परेका राउतको सम्बन्धमा थप अनुसन्धान भइरहेको उक्त कार्यालयले जनाएको छ ।
