मोरङ । सुन्दरहरैचा नगरपालिका ७ गोठगाउँबाट तास खेलिरहेका १५ जनालाई प्रहरीले नियन्त्रणमा लिएको छ ।
मंगलबार साँझ ६ बजे स्थानीय गौतमराज पोखरेलको घरमा तास खेलिरहेको भन्ने सूचना पाएसँगै इलाका प्रहरी कार्यालय बेलवारीबाट खटिएको प्रहरी टोलीले उनीहरुलाई पक्राउ गरेको हो ।
पक्राउ पर्नेमा घरधनीसहित सुन्दरहरैचा ७ बस्ने टेक बहादुर बि.क., भुपाल पौडेल, रेवत रायमाझी, कुल प्रसाद लुईटेल, हिरण्य प्रसाद कोईराला, हिरा भट्टराई, प्रदिप कुमार शाह, बिनोद चौधरी, उमेश बहादुर थापामगर, सुन्दरहरैचा ९ का सजाद मिया, सुन्दरहरैचा ११ का जय प्रसाद घिमिरे, गोपाल पौडेल, काजीराम बस्नेत र मधु कुमार घिमिरे रहेका छन् ।
तासको खालबाट प्रहरीले ९७ हजार ९ सय रुपैयाँ नगद समेत बरामद गरेको छ । पक्राउ परेकाहरुलाई जुवा ऐन अन्तरगत कानूनी कारबाही प्रकृया अगाडि बढाएको उक्त कार्यालयले जनाएको छ ।
