बराहक्षेत्र । सशस्त्र प्रहरी बल सुरक्षा पोस्ट चतरा र हातेमालो फाउन्डेसनको संयुक्त सहकार्यमा बराहक्षेत्र नगरपालिका वडा नम्बर १ चतरामा रहेको पोस्ट क्याममा १ दिने स्वास्थ शिविर सञ्चालन भएको छ ।
बि.पि. कोइराला स्वास्थ्य बिज्ञान प्रतिस्थाठान धरानका वरिष्ठ प्रोफेसर डा. इन्द्र लिम्बु, डा. आशिष श्रेष्ठ लगायत ११ जना डाक्टरहरुको उपस्थितीमा १ सय २० जना बिरामीहरुले नाक, कान, घाँटी, हाडजोर्नी, सर्जरी,दन्त आदि समस्याका बारेमा सेवा लिएका थिए ।
धरानका ४० जना डाक्टरहरुको समूह रहेको हातेमालो फाउन्डेसनले डाक्टरहरु उपलब्ध गराएको थियो । आवश्यक सहकार्य सशस्त्र प्रहरी बल सुरक्षा पोस्ट चतरा रहेको थियो । त्यसैगरी बराहक्षेत्र नगरपालिका १ र २ को विशेष सहयोग थियो ।
एक महिना अगाडि मात्र सरुवा भएर आएका सशस्त्र प्रहरी बल निरीक्षक अशोक न्यौपानेले सुरक्षाका साथै सर्वसाधरणको स्वास्थ्य समस्यालाई बुझेर डाक्टरहरु ल्याई सेवा दिएकोमा न्यौपानेलाई सेवाग्राहीले धन्यवाद दिएका छन् ।
निरीक्षक न्यौपानेले केही दिन अगाडि मात्र आफ्नो टोलिसहित मठमन्दिर सरसफाई समेत गरेका थिए । दाङको तुलसीपुर हुँदा चर्चा पाएका न्यौपानेको चतरा कार्यकाल समेत स्मरणीय बन्नेमा बराहक्षेत्रवासी ढुक्क छन् ।
यता निरीक्षक न्यौपाने सुरक्षा दिलाउनुका साथै सामाजिक कार्य गर्न आफु सदैब लागीपर्ने बताएका छ्न । यता स्थानीय समाजसेवी साथै युवा व्यवसाय रोशन श्रेष्ठले भने बराहक्षेत्रको चतरामा यति धेरै बरिष्ठ डाक्टरहरु पहिलो पटक आएको बताए । सशस्त्र प्रहरीसँग सहकार्य गरेर पुनः स्वास्थ शिविर राख्ने उनले बताए ।
