संगम बिष्ट, चतरा । नेपाली कांग्रेस भरौल इकाई कार्य समितिले बराहक्षेत्र ५ को कार्यालयमा सचिव गोपाल शर्मालार्ई हाजिर गराउन सात दिनको अल्टमेटम दिएको छ ।
पाँच पटक कार्यालय आउँदा समेत सचिवलार्इ वडाध्यक्ष राजु अधिकारीले हाजिर गर्न नदिएको घटानको विषयमा गम्भीर ध्यानाकर्षण भएको जनाउदै इकाइ कार्य समितिले प्रेस बिज्ञप्ति मार्फत वडाध्यक्षले गरेको कामको भत्र्सना समेत गरेको छ ।
आइतबार भरौल कांग्रेसको कार्य समितिको बैठकले जारी गरेको विज्ञप्तीमा एक महिनादेखि वडासचिव नहुँदा वडावासीमा परेको समस्यालार्र्इ वडाध्यक्षले नजरअन्दाज गरी वडा सचिवलार्इ हाजिरी गर्न नदिनु गैर जिम्मेवारी भएको उल्लेख छ ।
आइतबार नै भरौल कांग्रेसले वडा नं ५ को कार्यालयको ध्यानाकर्षण समेत गरेको छ । कांग्रेसको टोली आइतबार नै वडा कार्यालय पुगेको थियो । तर वडाध्यक्ष अधिकारी कार्यालयमा नभएपछि वडासदस्य टेकबहादुर गौतमलाई ध्यानाकर्षण पत्र भरौल कांग्रेसका सभापति जगदबहादुर कार्कीले हस्तान्तरण गरेका थिए ।
७ दिन भित्र वडाकोवासीको समस्यालाई समधान गर्न स्थानीय तह सन्चालन एेन २०७४ अनुरुप वडा सचिवलाई हाजिरी नगराए थप आन्दोलनका कार्यक्रम गर्न बाध्य हुने पत्रमा उल्लेख छ ।
