सुनसरी । नेपाल एकीकरणका महानायक अर्थात् राष्ट्र निर्माता पृथ्वीनारायण शाहको २९८औं जन्मजयन्ती तथा राष्ट्रिय एकता दिवसको अवसरमा राष्ट्रिय प्रजातन्त्र पार्टी सुनसरी जिल्ला समितिले वक्तृत्वकला प्रतियोगिता गरि भब्यताका साथ मनाएको छ।
सुनसरी सदरमुकाम इनरुवामा पृथ्वीनारायण शाहको कृतित्व तथा व्यक्तित्व विषयमा कक्षा १२ सम्मका ७ वटा विद्यालयका १५ जना
विद्यार्थीहरु प्रतियोगिका रुपमा सहभागी थिए ।
कार्यक्रममा बोल्दै प्रमुख अतिथि भट्टराईले राजाको राजकाज भोगेका र देखेकाहरु पैसाको चङ्गोलमा फसेर धोखा पुर्ण ढंगबाट नेपालीको गर्विलो इतिहासलाई नष्ट वनाउने काम गरेपनि गणतन्त्र आएपछि जन्मिएका र राजाको प्रत्यक्ष शासन नदेखेका सा साना विद्यार्थीहरुले राजसंस्थाको अपरिहार्यता अर्थ्याउन सक्नु सार्थक भएको बताए ।
प्रतियोगितामा सहभागी १५ मध्ये जडेज माबी बराहक्षेत्रकी भावना थापा प्रथम भइन् । त्यस्तै जनता माविका लक्ष्मी कार्की द्वितीय ,जनता माविकी सुधा कार्की तृतीय र सारदा माविकी लक्ष्मी पौडेललार्इ सान्त्वना गरि नगतसहित प्रमाणपत्र मेडलले सम्मान गरिएको थियो । साथै सहभागी सम्पूर्ण विद्यार्थीहरुलाइ सहभागिताको प्रमाणपत्र वितरण गरिएको थियो ।
कार्यक्रममा पार्टीका जिल्ला अध्यक्ष डम्बरबहादुर घिमिरेको सभाध्यक्षता तथा १ नं। प्रदेश समिति सचिव बासुदेव भट्टराईको प्रमुख आतिथ्यता रहेको थियो ।
