सुनसरी र झापाबाट लागुऔषधसहित दुई जना पक्राउ परेका छन् । सुनसरीको कोशी गाँउपालिका ६ श्रीपुरजव्दीका २६ वर्षीय रुपेश झा २५ बोतल लागुऔषध डाईलेक्स डि.सि.सहित पक्राउ परेका छन् ।
शुक्रबार राति साढे ७ बजे को १३ प ७६५४ नम्बरको मोटरसाईकलमा आएका झालाई सोहि स्थान नजिकबाट नियन्त्रणमा लिई चेक गर्दा उनको साथबाट २५ बोतल डाईलेक्स डिसि फेला पारी बरामद गरिएको जिल्ला प्रहरी कार्यालय सुनसरीले जनाएको छ ।
यसै गरी झापा शिवसताक्षी ४ बुलुचौक बस्ने ३५ वर्षीय रामबहादुर बि.क. लागुऔषधसहित पक्राउ परेका छनन् । शुक्रबार राति ९ बजे झापा गौरिगंज ११ रंगेथानमा हिँडिरहेका बिकलाई नियन्त्रणमा लिई चेक गर्दा उनको साथबाट ७० ग्राम ब्राउनसुगर फेला पारी बरामद गरिएको जिल्ला प्रहरी कार्यालय झापाले जनाएको छ ।
यसरी लागुऔषधसहित पक्राउ परेका दुबैजना माथि अनुसन्धान भइरहेको प्रहरीले जनाएको छ ।
