संखुवासभा । संखुवासभाको सभाखोलाले बगाउँदा एक बालिकाको मृत्यु भएको छ ।
खाँदवारी नगरपालिका ८ बस्ने दिपक राईको ८ वर्षीया छोरी कोरीना राईको सभाखोलाले बगाएर मृत्यु भएको हो ।
बुधबार (आज) दिउँसो सवा १२ बजे बुबाछोरी दोभानटार तर्फ जाँदै गर्दा बाटोमा पर्ने सभाखोला तर्ने क्रममा अचानक दुबै जना खोलामा लडेर दुवै जनालाई बगाउँदा बालिकाको मृत्यु भएको जिल्ला प्रहरी कार्यालय धनकुटाले जनाएको छ ।
बुबा दिपक राई भने पौडिएर निस्कन सफल भएको तथा बालिकालाई बगाएको स्थान भन्दा करिव साढे १ किलोमिटर तल मृत अवस्थमा फेला पारिएको प्रहरीले जनाएको छ ।
साथै घटना सम्बन्धमा थप अनुसन्धान भइरहेको उक्त कार्यालयले जनाएको छ ।
