मोरङ । मोरङको जहदा गाउँपालिकामा पौडी खेल्ने क्रममा डुबेर दुई जनाको मृत्यु भएको छ ।
जहदा ३ का १८ वर्षीय दिनेश राजवंशी र २० वर्षीय रिक्की राजवंशीको पोखरीमा पौडी खेल्ने क्रममा डुबेर मृत्यु भएको हो ।
शुक्रबार (आज) दिउँसो साढे १ बजे स्थानीय ब्रहमदेव राजवंशीको पोखरीमा पौडी खेल्न गएका दुबैजना मध्ये रिक्कीको पोखरीमा नै मृत्यु भएको थियो ।
त्यस्तै दिनेशलाई स्थानीयले उद्धार गरी उपचारको लागी कोशी अस्पताल विराटनगर लगेकोमा उपचारमा संग्लग्न डाक्टरले मृत घोषणा गरेको जिल्ला प्रहरी कार्यालय मोरङले जनाएको छ ।
घटना सम्बन्धमा थप अनुसन्धान भइरहेको प्रहरीले जनाएको छ ।
