मोरङ । विराटनगर महानगरपालिका २ बरगाछी चोकबाट नियन्त्रीत लागूऔषध एन्फाटामाईन (आइस)सहित १ जना पक्राउ परेका छन् ।
बिशेष सूचनाको आधारमा मंगलबार दिउँसो २ बजे जिल्ला प्रहरी कार्यालय मोरङ र लागूऔषध नियन्त्रण ब्यूरो विराटनगरबाट खटिएको प्रहरी टोलीले को ३७ प ८३१६ नम्बरको मोटरसाईकलमा सवार रहेका सुन्दरहरैचा नगरपालिका ८ का ४२ वर्षीय रामप्रसाद पोखरेललाई २२२ ग्राम १५० मिलिग्राम लागूऔषधसहित पक्राउ गरेको हो ।
लागुऔषधसहित पक्राउ परेका पोखरेलको सम्बन्धमा थप अनुसन्धान गर्ने क्रममा निजको घरमा समेत रहेको भन्ने प्रारम्भिक अनुसन्धानबाट खुलेसँगै निजको घरमा नियमानुसार खानतलासी गर्दा थप ३०८ ग्राम ७८ मिलिग्राम एन्फाटामाईन (आइस) बरामद भएको थियो ।
यसरी कुल ५३० ग्राम ९३ मिलिग्राम नियन्त्रीत लागूऔषध एन्फाटामाईन (आइस)सहित पक्राउ परेका पोखरेलको सम्बन्धमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।
