इटहरी । मोरङको गोठगाँउमा भयानक दुर्घटना भएको छ । दुर्घटनामा घटनास्थलमै बेलबारी ११ लक्ष्मीमार्गका दुई युवाको मृत्यु भएको छ ।
आइतबार बिहानको राति करिब १ बजे पश्चिमबाट पूर्वतर्फ जाँदै गरेको बा ४ ख ६९६ नम्बरको माईक्रो र पूर्वबाट पश्चिमतिर आउँदै गरेको प्र.२.०२००१ प ३८७८ नम्बरको मोटरसाइकल एक आपसमा ठोकिँदा दुर्घटना भएको इलाका प्रहरी कार्यालय बेलबारीले जनाएको छ ।
मोटरसाइकलमा सवार बेलबारी ११ लक्ष्मीमार्गका अर्जुन न्यौपाने र मनोज कटुवालको मृत्यु भएको प्रहरीले जनाएको छ । दुर्घटनामा घाइते भएका न्यौपाने र कटुवालको उपचारका क्रममा विराटनगरस्थित कोसी अस्पतालमा मृत्यु भएको जिल्ला प्रहरी मोरङले जनाएको छ ।
काठमाडौंका २८ वर्षीय गणेश थापा र मोरङको बेलबारीका १८ वर्षीय उत्सव गिरी घाइते छन् । उनीहरु जीपमा चालक तथा सहचालक हुन् । घाइते थापा र गिरीको विराटनगरस्थित विराट नर्सिङहोममा उपचार भइरहेको छ ।
