सुनसरी । इटहरी नमुना कलेज, सामाजिक कार्य विभागले सोमबार ‘नेपालमा सामाजिक कार्यको क्यारियर सम्भावना र अवसर’ विषयक वेबिनार कार्यक्रम सम्पन्न गरेको छ ।
कलेजमा सामाजिक कार्य अध्ययनरत विद्यार्थीद्वारा आयोजित सो कार्यक्रममा लामो समयदेखि अध्यापन, सामाजिक कार्य तथा अनुसन्धानमा सक्रिय, पुस्तक प्रकाशनमा अनुभव बटुलेका हाल अष्ट्रेलियामा रहेका राजकुमार यादवले सहजीकरण गरेका थिए ।
यादवले सामाजिक कार्यका चुनौति, सामाजिक कार्यको महत्व, आवश्यक्ता र यसले समाजमा पारेको सकारात्मक विषय, आफूले अध्ययनका समयमा झेलेका समस्या लगायतका विषयमा प्रष्ट पारेका थिए । अझैपनि गाँउ समाजमा अरु विषयलाई र सामाजिक कार्य बिषयलाई हेर्ने दृष्टिकोण पनि फरक भएको र आगामी दिनमा त्यस्ता समस्यालाई समाधान गर्दै जानुपर्नेमा उनले जोड दिए ।
मानिसहरु अहिलेको अवस्थामा सामाजिक कार्यको परिभाषा समेत नबुझेर गलत अर्थ लगाएको सामाजिक कार्य विभाग प्रमुख शैलेन्द्र राईले बताए । उनले अन्य मुलुकमा जस्तै नेपालमा पनि सामाजिक कार्य अध्ययनरत विाद्यार्थीहरुका लागि लाइसेन्स (परिचयपत्रको) व्यवस्था गर्नुपर्ने समेत बताए ।
विद्यार्थी, अभिवाभक र अन्य व्यक्तिहरुलाई पनि सामाजिक कार्य अध्ययनको महत्व, आवश्यक्ता, मान्यताको बारेमा प्रष्ट होस् भन्ने उद्देश्यले कार्यक्रम गरिएको आयोजक समितिका सदस्य रिकेश निरौलाले बताए । आगामि दिनहरुमा पनि यस्ता कार्यक्रम आयोजाना गर्ने उनले जानकारी दिए ।
जुममार्फत गरिएको सो कार्यक्रममा सामाजिक कार्य अध्ययापन हुने अन्य कलेजका विद्यार्थी, नमुना कलेजमा अध्ययनरत विद्यार्थी, सामाजिक क्षेत्रमा आवद्ध व्यक्तिहरुसहित करिब २ सय जनाको सहभागिता रहेको थियो ।
कलेज तथा कलेज अन्तगरतको सामाजिक कार्य विभागले अघिल्लो पटकको लकडाउनमा समेत जुममार्फत विभिन्न विषयमा गोष्ठि, सेमिनार तथा अन्तरक्रियालगायतका कार्यक्रम गरेको थियो ।
