इटहरी । प्रदेश १ मै पहिलो पटक सुरु हुन लागेको राइडसेयरिङ एप ‘मोटरगाडी’ले बीमालेख समझदारीमा हस्ताक्षर गरेको छ ।
राइडसेरिङ् सेवा संचालनको तयारीसँगै कम्पनीले जनरल इन्स्योरेन्स कम्पनीसँग सामुहिक दुर्घटना बभिगोर इैन्कर्पोरेशन प्रा.लि.ले बीमालेख समझ्दारीपत्रमा हस्ताक्षर गरेको हो ।
मोटरगाडी एप केही दिनमै सञ्चालनमा आउने तयारी भइरहेकोले समयमा दुर्घटना बीमालेखमा समझदारी गरिएको कम्पनिका कार्यकारी निर्देशक अजय गच्छदारले जानकारी दिए ।
यात्रु तथा यात्रीलाई सुरक्षित गर्न राइडर तथा ड्राईभरको दुर्घटनामा मृत्यु भएमा सात लाख रुपैयाँसम्मको बीमा गरिएको उनले बताए । यस्तै बढीमा १० प्रतिशत दुर्घटना उपचार बीमा समेत गरिसकेको गच्छदारले बताए ।
मोटरगाडी, राइडर र ड्राइभरहरुको दुर्घटना र उपचारको हकमा नेपालकै सबैभन्दा बढी वीमाङ्क रकमको निर्धारण गरेको कम्पनी भएको उनको भनाइ छ । समुहिक दुर्घटना बीमालेख अन्तर्गत पर्ने सुविधाहरु मोटरगाडि एप प्रयोग गर्दा हुन गएको दुर्घटनाको खण्डमा मात्र उपयोग गर्न पाईनेछ ।
राइडर र ड्रइभरको सुरक्षित यात्राको लागि लामो समयदेखि अध्ययन गरिरहेको कम्पनिकी रिसर्च एण्ड डेभलपमेन्ट मेनेजर नीशा पराजुलीले बताइन् । उनका अनुसार आगामी दिनमा कम्पनीले सर्वसाधारणलाई थप सेवाहरु दिने गरी योजनाहरु बनाइरहेको छ ।
