सुनसरी । बराहक्षेत्र ७ स्थित वसन्त ऋतु माद्यामिक विद्यालयमा सोमबार राष्ट्रपति रनिङ शिल्ड खेलकुद प्रतियोगिता सुरु भएको छ ।
सोमबार भएको छात्र छात्रा १५ सय मिटर हिट रनिङ प्रतियोगितामा छात्र ज.डे.ज. मावि बराहक्षेत्र ५ का रामकुमारी कटुवाल र छात्रा प्रकाश मावी बराहक्षेत्र १०की बिक्रम चन्द्रवंसी प्रथम भए ।
छात्रा तर्फ प्रकाश माबिकी बालिका श्रेष्ठ दोस्रो र जनता माबि बराहक्षेत्र ११ की सुमित्रा कार्की तेस्रो तथा छात्र तर्फ सरस्वती माबि बराहक्षेत्र ४ का आशिष चौधरी दोस्रो र आदर्श माबि बराहक्षेत्र २का सुमन खड्का तेस्रो भए ।
यता भलिबल र कबड्डी प्रतियोगिताको फाइनल चरण भने मंगलबार हुने भएको छ । मार्चपासमा जीवन ज्योति इङलिस स्कुल बराहक्षेत्र ८ प्रथम भएको छ ।
बराहक्षेत्र नगर स्तरीय दोस्रो अन्तर माबि राष्ट्रपति रनिङ शिल्ड खेलकुद प्रतियोगिता फागुन २ गते संचालन हुनेछ । प्रतियोगितामा बराहक्षेत्रका सामुदायिक र संस्थागत बिद्यालयहरु समेत २७ वटा स्कुल सहभागी हुने नगर खेलकुद विकास समितिका संयोजक आसाराम चौधरीले बताए ।
प्रतियोगितामा प्रथम र दोस्रो स्थान प्राप्त गर्नेलाई जिल्ला स्तरीय राष्ट्रपति रनिङ शिल्ड प्रतिस्पर्धामा सहभागी गराइने छ । नगर खेलकुद विकास समितिको आयोजनामा सुरु भएको प्रतियोगितामा बराहक्षेत्र नगर शिक्षा समितिको समन्वय र बराहक्षेत्र नगरपालिका संरक्षण रहेको चौधरीले बताए ।
उद्घाटन कार्यक्रममा समितिका संयोजक चौधरीको सभापतित्वm, बराहक्षेत्र नगर प्रमुख निलम खनालको प्रमुख आतिथ्यता रहेको कार्यक्रममा उप प्रमुख कमला मगर, निमित्त कार्यकारी अधिकृत मनुकुमार लिम्बूको विशेष आतिथ्यता रहेको थियो ।
प्रतियोगितामा प्रथम हुनेलाई २५ हजार रुपयाँ पुरस्कार प्रदान गरिने छ । दोस्रो हुनेलाई १५ हजार र तेस्रो हुनेलाई १० हजार रुपैयाँसहित ट्रफी प्रदान गरिने छ ।
