सुनसरी । बराहक्षेत्र नगरपालिकाको खेलकुद विकास समितिले २०७६/७७ को लागि विर्षिक खेलकुद योजना सार्वजनिक गरेको छ ।
यस आर्थिक वर्षका लागि बराहक्षेत्रले खेलकुदमा ५० लाख रुपैयाँ बिनियोजन गरेको बराहक्षेत्र खेलकुद विकास समितिका अध्यक्ष आसाराम चौधरीले बताए ।
१ देखि ११ वडाका लागि खेलकुद विकासको १५ लाख, नगर खेलकुद आयोजना तथा राष्ट्रिय स्तर खेलको लागि १५ लाख, खेलकुद कार्यक्रम आयोजना गर्ने क्लब हरुलाई १५ लाख, नगरपालिकाबाट अन्य नगर तथा जिल्लामा सहभागी हुने टिम तथा खेलाडीहरुका लागि ५ लाख गरी ५० लाख रुपैयाँ बजेट छुट्याएको संयोजक चौधरीले बताए ।
समितिले नगरमा ४ वटा खेल आयोजना गर्ने भएको छ । जसमा ११ वटै वडालाई समातेर वडा कप, बराहक्षेत्र नगर स्तरीय मेयर कप, राष्ट्रिय मेयर कप तथा म्यराथुन कप गराउने चौधरीले बताए । अहिलेसम्म बराहक्षेत्र नगरपालिकामा कल्चरल गृन क्लब , बराहक्षेत्र फुटबल क्लब , राजाबास फुटबल क्लब , नगरपालिका कर्मचारी र बराहक्षेत्र प्याब्सन गरि ५ वटा खेललाई खेलकुद समितिले सहयोग गरेको बताए ।
खेल विकासका लागि बराहक्षेत्र खेलकुद समितिले ३ महिना साबिक गाबिसमा गरि ५ ठाउँमा फुटबल तालिम केन्द्र खोल्ने चौधरीले बताए । बराहक्षेत्र खेलकुद समितिका अध्यक्ष आसाराम चौधरीको सभापतित्व, बराहक्षेत्र नगरपालिका प्रमुख निलम खनालको प्रमुख आतिथ्यता, उपमेयर कमला मगरको विशेष आतिथ्यता, नगरका सातौँ अधिकृत मनुकुमार सुब्बा, वडाध्यक्ष कार्यपालिका सदस्य खेलकुद सदस्य साथै जिल्ला खेलकुद महासचिव भेषराज कार्की लगायतको आतिथ्यता रहेको थियो ।
कल्चरल गृन क्लब बराहक्षेत्र फुटबल क्लब राजाबास फुटबल क्लब, नगरपालिका कर्मचारी र बराहक्षेत्र प्याब्सन गरि ५ वटा खेल अहिलेसम्म भइ सकेको संयोजक चौधरीले बताए ।