रामधुनी । सुनसरीकाे रामधुनी ४ का कुलदिप चौधरीको मृत्युपछि उनको परिवारले १४ लाख रुपैयाँ बीमा दाबी भुक्तानी प्राप्त गरका छन् ।
४० वर्षीय कुलदिपकी श्रीमती बिमल कुमारी चौधरीले बीमा दाबी गरेपछि सन नेपाल लाइफ इन्स्योरेन्सले सो रकम बुधबार एक कार्यक्रम गरी परिवारलाई प्रदान गरेको हो ।
रामधुनी नगरपालिकाका नगरप्रमुख जयप्रकाश चौधरीको हातबात सो रकम बराबरको चेक हस्तान्तरण गरिएको थियो । मृत्यु दाबी भुक्तानी कार्यक्रममा सन नेपाल लाइफ इन्स्योरेन्स कम्पनीका सह महाप्रबन्धक तुलसी नाथ पौडेल, इटहरीका प्रबन्धक मोहन अधिकारी, झुम्का इन्चार्ज लेखनाथ खतिवडा, रामधुनी ४ का वडाध्यक्ष मनेष कुमार चौधरी, नेपाली कांग्रेस रामधुनी नगर सभापति सुदिप अधिकारीलगायतको उपस्थिति रहेको थियो ।
कुलदिप बैदेशिक रोजगारीको शिलशिलामा साउदी गएका थिए । उनको साउददी मै मृत्यु भएको थियो । मृतक कुलदिपका एक छोरा, एक छोरी र एक श्रीमती छन् ।
