काठमाडौं । पछिल्लो २४ घण्टामा नेपालमा थप ८२ जना कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमका अनुसार विभिन्न २५ वटा प्रयोगशालामा ३ हजार ९ सय १६ जनाको पिसिआर परीक्षण गर्दा ८२ जनाको रिपोर्ट पोजेटिभ आएको छ ।
त्यस्तै, आइतबार कोरोनाबाट निको भएर घर फर्कनेको संख्या १ सय ४७ जना रहेको गौतमले प्रेस ब्रिफ्रिङमार्फत जानकारी दिए ।
हालसम्म कोरोना संक्रमणबाट निको भएर घर फर्कनेहरूको संख्या ८ हजार ५ सय ८९ जना पुगेको छ । अहिलेसम्म देशभर कुल संक्रमितको संख्या १६ हजार ८ सय १ पुगेको छ ।
