रामधुनी । कोरोना भाइरस रोकथामका लागि सरकारले लगाएको लकडाउनले विपन्न परिवारलाई जीवनयापनमा समस्या भएको भन्दै एक्सल डेभलपमेन्ट बैंकले खाद्यान्न सामाग्री वितरण गरेको छ ।
इनरुवा शाखाको क्षेत्र भित्र रहेका १५ घरधुरिलाई बैंकले शुक्रबार राहत बितरण गरेको हो। प्रति घरधुरिलाई चामल २० केजी, पिठो ५ केजी, दाल २ केजी, तेल २ लीटर, नुन २ केजी, मसला, बेसार, च्युरा, भुजा लगायतका राहत सामाग्री बितरण गरेको हो ।
बैंकले ४०० घर परिवारलाई राहत वितरण गर्ने लक्ष्य लिएकोमा इनरुवा शाखाले आफ्नो क्षेत्र भित्रका १५ घर परिवारलाई राहत सामाग्री बितरण गरेको इनरुवा शाखा प्रमुख रमेश बस्नेतले जानकारी दिए।
इनरुवा नगरपालिकाले सिफारिस गरेक विपन्न वर्गका १५ परिवारलाई राहत सामाग्री वितरण गरिएको हो। एक्सल डेभलपमेन्ट बैंक इनरुवा शाखाको कार्यालयमा इनरुवा नगर प्रमुख राजन मेहताले राहत सामाग्री बितरण गरेका हुन् ।
थप ५ घर परिवारलाई सोहि अनुसारका खाधान्न सामाग्री नगर प्रमुख मेहताले आफ्नो व्याक्तिगत तर्फबाट सहयोग गरेका हुन्। लकडाउनका बेला अतिनै समस्यामा रहेका जम्मा २० घर परिवारलाई राहत सामाग्री वितरण गरिएको हो ।
राहत बितरण गर्ने काम जारी नै रहेको र अप्ठयारो परेकाको सहि पहिचान गरि निरन्तर वितरण गरि नै रहने नगर प्रमुख मेहताको भनाई छ।
