रामधुनी । सेञ्चुरी कमर्सियल बैंक लिमिटेड झुम्का शाखाले ग्राहकलाई क्यूआर कोयड वितरण गरेको छ । सोमबार बैंकका सिइओ मनोज न्यौपाने स्वयम् उपस्थित भएर झुम्का क्षेत्रका एक सय आठ व्यवसायी ग्राहकलाई क्यूआर कोड वितरण गरेका हुन् ।
उपस्थित स्थानीयबासीहरुले सेञ्चुरी बैंकद्वारा डिजिटलाईजेशन कारोबारको प्रवद्र्धन गरेर झुम्का बजारलाई डिजिटल बजारको रुपमा परिवर्तन गर्न सहयोग गरेकोमा आफूहरु हर्सित भएको र आगामी दिनहरुमा सेञ्चुरी बैंकले वित्तीय साक्षरतामा पनि सहयोग गर्ने कुरामा विश्वस्त रहेको जानकारी गराएका थिए । साथै क्यूआर प्राप्त गर्ने ग्राहकहरुले बैंकका प्रमुख कार्यकारी अधिकृत आफै नै क्यूआर वितरण गर्न आउँदा आफूहरुलाई झन् प्रोतसाहन मिलेको बताएका थिए ।
क्यूआर वितरण कार्यक्रममा बैंकका संचालक समिति सदस्य मनबहादुर राई र अभिषेक बज्र्रचार्य, प्रमुख बजार अधिकृत अनुपमा श्रेष्ठ मानन्धर, प्रदेश १ प्रमुख दिपक पौडेल, शाखा प्रमुख पुकार जंग कार्की, बैंकका कर्मचारीहरु लगायतको उपस्थिति थियो ।
यसका साथै बैंकले झुम्का शाखाको शताब्दी खाताको कारोबार गर्ने ग्राहक हर्षित रायलाई उपचार खर्च वापतको रकम समेत उपलब्ध गराएको छ । बैंकले शताब्दी खातामा ८.०३ % को उच्चतम व्याजदरका साथै ७ लाख रूपैयाँसम्मको निःशुल्क बीमा सुविधा प्रदान गर्ने गरेको छ ।
२०७८ चैत्रमसान्तसम्ममा बैंकले रु. ९२ अर्ब ९६ करोड निक्षेप संकलन र कर्जा रु. ८९ अर्ब ६५ करोड कर्जा प्रदान गरी १ अर्ब १ करोड ५६ लाख खुद मुनाफा आर्जन गर्न सफल भएको छ । उक्त मुनाफा गत वर्षको सोही अवधिको तुलनामा १८३.५९ प्रतिशतले बढी हो ।
देशका सुगम तथा दुर्गम क्षेत्रसम्म सेवा विस्तार गर्ने उद्देश्यकासाथ बैंकले देशका विभिन्न स्थानहरुमा शाखा, शाखारहित बैंकिङ्ग तथा एक्सटेन्सन काउण्टरहरु संचालनमा ल्याई बैंकिङ्ग सेवा प्रदान गर्दै आएको छ । बैंकको कुल शाखा संख्या १४४ छ भने बैंकले १० एक्सटेन्सन काउण्टर २४ शाखारहित बैंकिङ्ग र ११५ वटा एटिएम मार्फत वित्तीय सेवा प्रदान गर्दै आएको छ ।
