रामधुनी ४ की २५ वर्षीया युवतीलाई कोरोना संक्रमण पुष्टि भएपछि गरिएको पीसीआर परीक्षणमा १८ जनाको रिपोर्ट नेगेटिभ आएको छ । एकको भने पुनः परीक्षण गर्नुपर्ने भएको छ ।
बुधबार रामधुनी ४ स्थित घरक्षेत्रबा उनीसँग सम्पर्कमा रहेका परिवार तथा छिमेकी १९ जनाको पीसीआर परीक्षण गरिएको थियो ।
लकडाउन अघि रामधुनी आएकी ति युवतिलाई केही दिन अघि भक्तपुरमा कोरोना पुष्टि भएको थियो । उनी केही दिन अघि सवारी पास बनाएर भक्तपुर गएकी थिइन् ।
उनलाई कोरोना संक्रमण भएसँगै रामधनी ४ लगायत नगरमा नै त्रास बढेको थियो । सामाजिक सञ्जालमा समेत नगर तथा स्थानीय तहले सिल गर्न नसकेको भन्दै आलोचना हुँदै आएको थियो ।
बुधबार युवतीको घर भएको क्षेत्रमा जिल्ला अस्पताल सुनसरी, सामाजिक विकास मन्त्रालय प्रदेश १, जनस्वास्थ्यका प्रतिनिधि, रामधुनी नगरपालिका, नगर अन्तर्गत स्वास्थ्य कमिटि, वडा कार्यालय, प्रहरीलगायतको टोलीले सो क्षेत्रमा निरीक्षण समेत गरेको थियो ।
