रामधुनी । रामधुनी नगरपालिकामा थप एकजनामा काेराेना पाेजेटिभ देखिएकाे छ ।
रामधुनी वडा नम्बर ९ का करिब ५८ वर्षीय एक पुरूषमा कोरोना संक्रमण भएको नगरपालिका स्वास्थ्य शाखाका प्रमुख समीम अंसारीले पुष्टि गरे ।
गत २५ र २७ साउनमा स्बाबसंकलन गरिएकाेमा उनको भने रिपोर्ट आउन बाँकी रहेको र आइतबार राति उनको रिपोर्ट पोजेटिभ आएको अंसारीले बताए ।
रामधुनीमा समुदाय स्तरमा कोरोना संक्रमण देखिएको यो पहिलो केस भएको स्वास्थ्य शाखाका नगेन्द्र पौडेलले जानकारी दिए ।
यो सँगै रामधुनी नगरभित्र कुल संक्रमितको संख्या २२ पुगेको स्वास्थ्य शाखाले जानकारी दिएको छ । जसमा १० जना पूर्णरूपमा निको भएर घर फर्किएका छन् भने बाँकीको उपचार भइरहेको छ ।
