रामधुनी । रामधुनी नगरपालिका वडा नम्बर ६ इचोलमा गुडिरहेको टिपरमा आगलागी भएको छ ।
कालाबन्जरदेखि पकली जाने क्रममा को १ त ४६९५ नम्बरको टिपर शनिबार साँझ साढे ७ बजे एक्कासी तार सर्ट भएर आगलागी भएको थियो ।
आगलागीबाट भने कुनै मानवीय क्षति नभए पनि टिपर पूर्ण रुपमा क्षति भएको बराहक्षेत्रको भरौल प्रहरी चौकीका नन्दलाल चौधरीले बताए ।
आगोलाई बराहक्षेत्र नगरपालिकाको बारुण यन्त्रको सहायताले नियन्त्रण लिएको थियो । टिपर पूर्वाञ्चल क्रसर उद्योग इटहरीका संचालक शारदा ढकालको रहेको प्रहरीले जनाएको छ ।
