बराहक्षेत्र । सुनसरीको बराहक्षेत्र नगरपालिकामा थप एक कोरोना संक्रमितको मृत्यु भएको छ ।
सोमबार थप एक कोरोना संक्रमितको मृत्यु भएको नगरपालिका स्वास्थ्य शाखाले जनाएको छ । मृत्यु हुनेमा बराहक्षेत्र वडा नम्बर ११ की महिला रहेको आइसोलेसन इन्चार्ज प्रमोद यादवले बताए ।
सोमबारसम्मको तथ्यांक अनुसार विभिन्न वडामा गरेर एक जनप्रतिनिधिसहित अहिलेसम्म ४४ जना संक्रमित भएको यादवले बताए ।
अहिलेसम्म बराहक्षेत्रमा रहेको आइसोलेशनमा १ महिला र २ पुरुष गरि ३ जना रहेको यादवले जानकारी दिए । उनका अनुसार नगरपालिकाभित्र कोरोना संक्रमणका कारण मृत्यु हुनेको संख्या तीन पुगेको छ ।
बराहक्षेत्र स्वास्थ शाखाले केहि दिनपछि पिसिआर टेस्ट गर्ने तयारी रहेको स्वास्थ शाखाका उमेश मेहताले बताए ।
