सुनसरी । प्रधामन्त्री तथा नेकपा (माओबादी केन्द्र)का अध्यक्ष पुष्पकमल दाहाल प्रचण्डले आज विभागिय मन्त्रालय तोक्दै मन्त्रिपरिसद विस्तार गरेका छन् ।
प्रधानमन्त्री प्रचण्डले ३ राज्यमन्त्रीसहितको २३ मन्त्रालय गठन गरेका छन् । सोमबार बालकोटको लाञ्च मिटिङ्ग पत्रकारहरुसंग बोल्दै प्रधानमन्त्री प्रचण्डले मन्त्रालयको बाडफाँडका तथा विस्तार लगायतका विषयमा वार्ता भएको र सोमबार नै मन्त्रिपरिसद विस्तारको कार्य सुरु गर्ने बताएका थिए । जसअन्तगर्त प्रधानमन्त्री दाहालले आज ३ राज्यमन्त्री सहितको २३ मन्त्रीहरुलाई मन्त्रालय विभाजन गर्दै पद तथा गोपनियताको सपथ गराएका हुन् ।
नवनियुक्त मन्त्री तथा राज्यमन्त्रीहरुले राष्ट्रपति विद्यादेवी भण्डारीबाट पद तथा गोपनियताको सपथ लिइसकेका छन् । जसमध्ये नेकपा (एमाले)बाट ८ मन्त्री, माओबादी केन्द्रबाट प्रधानमन्त्री सहित ५ मन्त्रालय, रास्वपा तथा राप्रपाबाट ३–३ मन्त्री र जनमतले एक मन्त्रालय प्राप्त गरेका छन् ।
नवनियुक्त रहेका मन्त्रीहरुमा माओबादी केन्द्र, रास्वपा र राप्रपाले क्रमशः एक–एक राज्यमन्त्री रहेका छन् ।
प्रधानमन्त्री प्रचण्डको नेतृत्वको नयाँ मन्त्रिपरिषदमा अझै २ मन्त्रालय मन्त्री विहिन रहेका छन् ।
