राष्ट्रिय प्रजातन्त्र पार्टी (राप्रपा) मा विवेकशील साझा पार्टीका पूर्वाध्यक्ष रविन्द्र मिश्र पनि जोडिएका छन् ।
राष्ट्रिय प्रजातन्त्र पार्टी(राप्रपा)का अध्यक्ष राजेन्द्र लिङ्गदेन र समुह बिच एकीकरण भएको हो । बुधबार (आज) राष्ट्रिय सभामा आयोजित एक कार्यक्रम मार्फत मिश्रले अध्यक्ष लिङ्देन पछिको वरिष्ठ उपाध्यक्ष पदसहित उनको समुह राप्रपामा प्रवेश गरेको हो ।
मिश्रले विवेकशील साझा पार्टीको साधारण सदस्यता समेत सोमबार नै परित्याग गरेर राष्ट्रिय प्रजातन्त्र पार्टी (राप्रपा) प्रवेश गरेका हुन् । आगामी मंसिर ४ गते हुने निर्वाचनमा काठमाडौं–१ बाट चुनावी प्रतिस्पर्धामा उत्रिने तयारीमा रहेका छन् ।
मिश्रले आफ्नो सामाजीक संजाल ट्वीरमा आफू र राजेन्द्र लिङ्देन एकै ठाउँमा देख्ने धेरैको चाहना र प्रेरणा रहेको र आज औपचारिक ?पमा एक ठाउँमा आउन लागेको जसको लागि राष्ट्रि सभा गृहमा आएर हौसला प्रदान गरिदिन समेत अनुरोध गरेका छन् । उनले ट्वीट गर्दै भने, ‘अब थप को, को जोडिनुपर्ला ? राजेन्द्रजी र म एक ठाउँमा आउनुपर्यो भन्ने धेरैको चाहना र प्रेरणा थियो । हामी आज औपचारिक रूपमा एक ठाउँमा आउँदैछौँ । हाम्रो हौसला बढाईदिन तपाईँ पनि सभागृह आइदिनोस् न है ।’
साथै ‘राजेन्द्र रविन्द्र आए एक ठाउँमा, अब देश आउँछ ठिक ठाउँमा’ नारासहितको फोटो समेत राखेर ट्वीटरमा ट्वीट गरेका छन् ।
